వై.ఎస్.పయణించిన చాపర్లో కాల్పులు? కేకలు?

గత 2009 ,సెప్టెంబరు ,2 న వై.ఎస్.పయణించిన చాపర్లో కాల్పులు జరిగాయా? వైఎస్. కేకలు వేసారా? ఈ ప్రశ్నలు నాలో రేకెత్తించింది బుధవారం నాడు సాక్షిలో ప్రచురితమైన వార్తే .సాక్షి ఒక కార్పోరేట్ సంస్థ - దానికి ఎం.డి జగన్మోహన్ రెడ్డి. ప్రస్తుతం కేంద్ర ప్రభుత్వ హిట్ లిస్టులో ఉన్న వ్యక్తి. ఇప్పటికే సాక్షి పై ఎన్ని విదాలైన కుట్రలు జరిగాయో అందరికి విదితం ( రెయిడ్స్, బ్యాంక్ ఖాతాల స్థంభన,ఆస్తుల జప్తుకు యత్నం, ప్రభ్తువ ప్రకటనల నిలిపివేత) పైగా ఇది ఎన్నికల సమయం. ఇ.సి తలచుకుంటే ఏమైనా చెయ్యగలదు. రాష్ఠ్ర్ర ,కేంద్ర ప్రభుత్వాలు కన్నెర్ర చేస్తే అసలికి మోసం రామహరే .. అయి పోతుంది.

ఈ పరిస్థితిలో ఎందుకొచ్చిన "పెంట" అని బాహుటంగా వ్రాయలేక పోయారో ఏమో గాని సాక్షి ప్రచురించిన వ్యాసాన్ని పూర్తిగా చదివినప్పుడు నాకు కలిగిన అనుమానం - అవాఅహణ ఇదే. కాల్పులు జరిగి ఉండవచ్చు. కాల్పులు జరిపిన "వ్యక్తి" చాపర్ కూలి పోతుంటే భయిటకు దూకి ఉండాలి. (మృతుల్లో ఒకరి శరీరం మాత్రం కేవలం ముఖం మాత్రం దెబ్బ తింది -తక్కిన శరీరమంతట చెక్కు చెదరకుండా ఉంది) తక్కిన వారి మృత దేహాలు తునా తునకలుగా మారి -కాలి - మాంసపు ముద్దలు అయి పోయాయి.

కొత్త చాపర్ ఉండగా -మూలన పడేసిన డొక్కు చాపర్ ఏర్పాటు చెయ్యడం - గాలిలోకి ఎగిరిన కొంత సమయానికి అందులో అన్ని విదాలైన సాంకేతిక లోపాలు తెలెత్తడం - ఒక్కొక్కటే అన్ని పరికరాలు పని చెయ్యక పోవడం చాపర్ మాయమైందన్న వార్త రాగానే కొత్త చాపర్ గాలింపులో పాల్గొనడం - సతరు చాపరుకు సంభందించిన పైలట్లకు మూకుమ్మడిగా శెలవులు ఇవ్వడం - ఏయిర్ వర్తినెస్ సర్టిఫికేట్ చెల్లు బాటు పై పదే పదే మాట మార్చడం - వై.ఎస్. మృత్యు వాత పడటానికి కారణాలుగా దర్యాప్తు సంస్థలు పేర్కొన్న "మృత్యు మేఘాలు" ఘటనా స్థలికి దూ........రంగానే ఉన్నాయన్న సంగతి ఇవన్ని ఒక ఎత్తైతే..

//ముఖ్యమంత్రి ప్రధాన భద్రతా అధికారి వెస్లీకి చెందిన పిస్టల్ అత్యంత ఆధునికమైనది. ఎప్పుడూ లోడ్ చేసి, సిద్ధంగా ఉంటుంది. ఆయన వద్ద మొత్తం 13 బులెట్లు ఉంటాయి.//

నోట్ దిస్ పాయింట్ !

// కానీ.. ఘటనా స్థలం నుంచి కేవలం 7 బులెట్లే దొరికినట్లు సీబీఐ అధికారులు చెప్తున్నారు. మరి మిగతా 6 బులెట్లు ఏమైనట్లు? //
చాపర్ కూలిన ప్రదేశానికి ఏమాత్రం రక్షణ కల్పించక పోయినా వారం పది రోజుల అనంతరం కూడ అక్కడ ఏవేవో దొరికాయి. కాని ఈ ఆరు బుల్లెట్స్ మాత్రం దొరకనే లేదు.

నోట్ దిస్ పాయింట్.

//ప్రమాద స్థలంలో ఖాళీ మేగజీన్‌తో దొరికిన తుపాకీని లేబొరేటరీకి పంపించగా.. ఈ తుపాకీ నుంచి ఫైరింగ్ జరిగిందనటానికి ఆనవాళ్లుగా రసాయనిక అవశేషాలు ఉన్నాయని సెంట్రల్ ఫోరెన్సిక్ సెన్సైస్‌కు చెందిన సీనియర్ సైంటిస్ట్ అధికారి చెప్పినట్లు సీబీఐ తన నివేదికలో పేర్కొంది.//

నోట్ దిస్ పాయింట్ ఆల్సో !

//ఇదిలావుంటే.. హెలికాప్టర్ అవశేషాల్లో ఎగ్జిట్ డోర్‌కు ఒక రంధ్రం ఉన్నట్లు గుర్తించారు.//

ఆతరువాత అది బుల్లెట్ వలన ఏర్పడింది కాక పోవచ్చు అని తేల్చారన్నది వేరే సంగతి .

//హెలికాప్టర్ దుర్ఘటనపై డీజీసీఏ దర్యాప్తు చేపట్టి.. ఘటనా స్థలం నుంచి స్వాధీనం చేసుకున్న సీవీఆర్‌ను విశ్లేషణ కోసం విదేశాలకు పంపించింది. దుర్ఘటన జరిగిన తర్వాత దాదాపు రెండు నెలలకు రెండు ప్రముఖ తెలుగు టీవీ చానళ్లలో సంచలనాత్మక కథనాలు ప్రసారమయ్యాయి. సీవీఆర్‌లో సంభాషణలు తమకు తెలిశాయని ఆ చానళ్లు పేర్కొన్నాయి. ఘటన జరగటానికి కొద్ది నిమిషాల ముందు ముఖ్యమంత్రి వై.ఎస్.రాజశేఖరరెడ్డి పెద్ద పెద్దగా కేకలు వేసినట్లు సంభాషణల్లో వినిపించిందని చెప్పాయి.

పైలట్లపై తీవ్ర ఆగ్రహం వ్యక్తం చేశారనీ పేర్కొన్నాయి. అయితే.. రెండు, మూడు గంటల పాటు ఈ కథనాలను ప్రసారం చేసిన ఆ చానళ్లు ఆ తర్వాత ఈ అంశంపై మౌనం దాల్చాయి. దీని అర్థం ఏమిటి? ఆ చానళ్లకు సీవీఆర్‌లోని సంభాషణలు అందాయా? అవి ప్రసారం చేసిన కథనాల్లో వాస్తవమెంత? ఆ వెంటనే ఆ చానళ్ల గొంతులు ఎందుకు మూగబోయాయి? తెర వెనుక ఏం జరిగింది?//

ఈ అంశాలన్నింటిని పరిశీలిస్తే .. రిలైయన్స్ బ్రదర్స్ చరిత్ర ఒక సారి తిరగేస్తే హెలికాఫ్టర్ ఫ్యూయెల్ చాంబర్లో చెక్కెర పోసి ప్రమాదానికి కుట్ర పన్నడం వారికి వెన్నతో పెట్టిన విథ్య. ఇలాంటి ఏర్పాట్లేవో చేసి ఉండాలి.

ఈ ఏర్పాటు చేసిన వ్యక్తి కూడ చాపర్లో పయణించి ఉండాలి. చాపర్లో ౩ ఫూయెల్ చాంబర్లుంటాయట. ఒక దానిలోని ఇందనం అయిపోయాక రెండో చాంబర్లోని ఇందనం సరఫరా అవుతుంది. ఆ రెండో చాంబర్లోని తిరకాసు జరిగి ఉండాలి.

వెంటనే ఒక సారిగా ఇందన సరఫరాలో సమస్య రావడం - రెండు ఇంజిన్లు నిలిచి పోవడం జరిగి ఉండాలి. ఇంతే కాక రెండు ఇంజిన్లు ఒకేసారి ఆగి పోయినా కాసేపు మ్యేనేజ్ చేసుకోవడానికి వీలు కల్పించే టర్బైన్, రోటర్లల్లోను కొన్ని "కుట్ర పూరిత ఏర్పాట్లు" చేసి ఉండాలి. దీంతో పైలట్లకు అనుమానం కలిగి "కుట్ర" గురించిన తమ అనుమానాన్ని వెలిబుచ్చి ఉండాలి.

దీంతో వై.ఎస్. ఆగ్రహం వ్యక్తం చేయడం -పెద్దగా కేక వెయ్యడం జరిగి ఉండవచ్చు. వై.ఎస్.భద్రతాధికారి కాల్పులు జరిపి ఉండవచ్చు. లేదా వై.ఎస్సే సతరు వ్యక్తి పై ఫైర్ చేయమని ఆదేశించి ఉండవచ్చు.

వై.ఎస్. శతృవులను క్షమించిన దాఖలాలున్నాయి కాని ద్రోహులను క్షమించిన దాఖలాలు లేవు అన్న సంగతిని ఇక్కడ గుర్తుకు తెచ్చుకొండి.

కుట్ర ముందుగా భయిట పడిందన్న భయంతో తాను ప్లాన్ చేసిన సమయానికి కాస్త ముందుగానే సతరు "వ్యక్తి" భయిటకు దూకడానికి ప్రయత్నించి ఉండవచ్చు - అప్పుడు ఎక్సిట్ డోర్ పై బుల్లెట్తో రంద్రం ఏర్పడి ఉండవచ్చు.

అలా భయిటకు దూకి తప్పించుకోవడమే సతరు "వ్యక్తి" ఉద్దేశమై ఉండవచ్చు. కాని సమయం తారు మారు కావడం -హడావుడి కారణంగా "లెక్కలు" తప్పి ముఖం కొండల్లో మోదుకోవడం వలన మరణం సంభవించి ఉండవచ్చు.

ఇదే కాక ఇంటివద్దనుండి బేగం పెట్ చేరడానికి కావల్సిన సమయానికి పదింతల సమయం తీసుకున్న వ్యక్తి ఎవరు? ఎవరి ఖాతాలో దుస్సంఘఠణకు కొన్ని రోజులకు ముందుగా పెద్ద మొత్తంలో డబ్బులు చేరాయి అన్న విషాయాలను కూడ క్రోడి కరించి ఆలోచిస్తే వై.ఎస్. "హత్య"కు కుట్ర చేసిన - తన కుట్రకు తనే బలైన వ్యక్తిని నిర్థారించుకోవచ్చు.

సాక్షి ప్రచురించిన పూర్థి పాఠాన్ని చదవ కోరువారు ఇక్కడ నొక్కండి . సాక్షి కథనం మరీ " డెన్స్" ఉండడంతో నేను రెండు మూడు చోట్ల కత్తెర వేయడం - చిన్న చిన్న మార్పులు చేయడం జరిగిందే కాని నా అనుమానాలకు మూలం మాత్రం సాక్షి కథనమే.

సాక్షి సైతం బాహుటంగా వ్రాయలేని విషయాన్ని మీరెందుకు వ్రాస్తున్నారు. మీకు సమస్యలు రావా అంటే వస్తాయి. రాక చస్తాయా.

ఈ నేపథ్యంలో శ్రీ శ్రీ గాని మాటను ఉఠంకించి ఈ టపాను పూర్తి చేస్తా. "జైల్లో పెడితే తిండి సమస్య పోతుంది - ఉరి తీస్తే జీవిత సమస్యే పోతుంది "

వై.ఎస్.ఆర్ అమర్ రహే !